Skemi ta' Rtirar Kmieni taz-Tarzna

Bħala parti mill-proċess ta’ privatiżżazzjoni tas-settur tat-tarznari f’Malta, il-Malta Shipyards Limited qed tniedi skemi ta’ rtirar kmieni u riżenji volontarji għal dawk l-impjegati kollha li huma meqjusa eliġibbli biex japplikaw. Dawn l-iskemi qed jiġu offruti fi sfond tad-deċiżjoni li t-Tarzna ma tistax tibqa tirċievi sussidji wara l-31 ta’ Diċembru ta’ din is-sena, kif ukoll biex din l-industrija issir kummerċjalment vijabbli bl-involviment tas-settur privat. L-iskemi li se jinħarġu huma erbgħa u japplikaw skond kemm ikollu eta’ l-impjegat fil-31 ta’ Lulju 2008 kif jidher hawn taħt.

Skema ‘A’ - Rtirar kmieni għal ħaddiema li għandhom 56 sena jew aktar;
Skema ‘B’ - Riżenji volontarji ta’ ħaddiema li għandhom bejn 50 u 55 sena;
Skema ‘Ċ’ - Riżenji volontarji ta’ ħaddiema li għandhom bejn 40 u 49 sena;
Skema ‘D’ - Riżenji volontarji ta’ ħaddiema li għandhom inqas minn 40 sena.

Wara li tnizzel il-formola, iffirmaha u għaddiha lill-kumpanija billi:

tibgħatha bil-posta fis-self addressed envelope li qed jintbagħat ma’ din l-ittra (ibgħat ukoll fotokopja tal-karta ta’ l-identita’); jew

tmur biha personalment f’wieħed mill-Help Desks li se jitwaqqfu apposta għal dan il-għan kif indikat hawn taħt.

Kopji ta’ din l-applikazzjoni jistgħu wkoll jinġabru mill-Help Desks. Ma jiġux aċċettati aktar applikazzjonijiet wara l-31 ta’ Ottubru 2008. F’każ ta’ diffikulta’, jew jekk trid aktar informazzjoni, inti mħeġġeġ tikkomunika mal-Help Desks bit-telefon fuq il-freephone 156 jew tmur personalment:

Floriana Help Desk – L-Istitut Kattoliku, Triq San Publiju, Floriana.

San Ġwann Help Desk – MIMCOL, Enterprise Centre, San Ġwann Industrial Estate, Birkirkara.

Uffiċċjali tal-kumpanija, tad-Dipartiment tas-Sigurta’ Soċjali u tal-Korporazzjoni għall-Impjieg u t-Taħriġ (ETC) se jkunu f’dawn il-Help Desks bejn it-8.30 a.m. u s-6.00 p.m. mit-Tnejn sal-Ġimgħa u bejn it-8.30 a.m. u l-12.00 p.m. is-Sibt, sabiex iwieġbu l-mistoqsijiet tiegħek.