Bħala parti mill-proċess ta’ privatizzazzjoni tat-Tarzna,  il-Malta Shipyards Limited qed tniedi skemi ta’ rtirar kmieni u riżenji volontarji għal dawk l-impjegati kollha li huma meqjusa eliġibbli biex japplikaw. Dawn l-iskemi qed jiġu offruti fi sfond tad-deċiżjoni li t-Tarzna ma tistax tibqa tirċievi sussidji wara l-31 ta’ Diċembru ta’ din is-sena, kif ukoll biex din l-industrija issir kummerċjalment vijabbli bl-involviment tas-settur privat.

Is-suċċess tal-privatizzazzjoni jiddependi mis-suċċess ta’ dawn l-iskemi.

L-iskemi li se jinħarġu huma erbgħa u japplikaw skond kemm ikollu eta’ l-impjegat fil-31 ta’ Lulju 2008.